“Milan” rəhbərliyi 40 yaşlı yarımmüdafiəçi Luka Modriçlə bağlı qərarını verib.
İdmanxeber.az-ın məlumatına görə, “rossonerilər” təcrübəli futbolçunu komandada saxlamaq niyyətindədir. Onun müqaviləsi 2026-cı ilin yayına qədər qüvvədədir və istəyi olacağı təqdirdə daha bir il uzadılması mümkündür.
Modriç ötən mövsümün sonunda “Real”-dan ayrılaraq azad agent kimi “Milan”a qoşulub. O, cari mövsümdə 27 oyunda 2 qol və 3 məhsuldar ötürmə ilə yadda qalıb.
