Pişik sahibi olmaq uzunmüddətli və ciddi məsuliyyət tələb edir. Mütəxəssislər bildirirlər ki, pişiklər orta hesabla 12–18 il yaşayır və bu müddət ərzində onlara həm maddi, həm də mənəvi qayğı göstərmək vacibdir.
Pravda.az xəbər verir ki, sığınacaqlardan götürülən pişiklər adətən 8–16 həftəlik olur və əksər hallarda qısırlaşdırılmış formada sahibləndirilir. Əgər bu prosedur həyata keçirilməyibsə, gələcəkdə əlavə baytarlıq xərcləri yarana bilər. Eyni zamanda, heyvanın yeni mühitə uyğunlaşması üçün sahibinin səbirli və diqqətli davranması tövsiyə olunur.
Ev pişiklərinin çölə buraxılması onların sağlamlığı və təhlükəsizliyi baxımından risklidir. Xüsusilə 6 aydan kiçik və tam peyvənd olunmamış pişiklərin açıq havaya çıxarılması məsləhət görülmür.
Bundan başqa, düzgün qidalanma və gigiyena qaydalarına əməl olunması əsas şərtlərdən biridir. Balaca pişiklərin 10–12 aya qədər xüsusi yemlə qidalanması, daim təmiz su ilə təmin edilməsi vacibdir. Həmçinin evdə hər pişik üçün kifayət qədər qum qabının olması tövsiyə olunur.
Pişiklər aktiv və oyunsevər heyvanlardır. Onların fiziki və zehni inkişafı üçün uyğun oyuncaqlar və rahat mühit yaradılması vacibdir.
Əminə Bayramova
