“The Washington Post” qəzetinin məlumatına görə, Yaxın Şərq ölkələrinin siyasi elitası ABŞ-ın İran sərhədləri yaxınlığında hərbi hazırlıqları barədə xəbəri alqışlayıb, lakin iki ölkə arasında uzunmüddətli münaqişənin baş vermə ehtimalı narahatlıq doğurur.
Nəşrin məlumatına görə, Səudiyyə Ərəbistanı və BƏƏ rəsmiləri də bu mövqeyi bölüşürlər. “Bəzi siyasi qüvvələr İrana təzyiqi artırmaq üçün məhdud hücumlara üstünlük verə bilərlər. Lakin uzunmüddətli münaqişə qanlı ola bilər və daha çox ölkə ya qəsdən, ya da səhv hesablamalar nəticəsində müharibəyə cəlb edilə bilər.”, – “The Washington Post” bildirir.
Regiondakı hakimiyyət orqanları ABŞ-ın hərbi hazırlıqlarını danışıqlar kontekstində Tehrana təzyiqin bir hissəsi kimi qəbul etsələr də, tezliklə İran hakimiyyətinin “qırmızı xətlərindən” imtina etmək istəmədiyi və ABŞ prezidenti Donald Trampın qətiyyətli hərəkətlərə hazır olduğu məlum oldu, “The Washington Post” qeyd edir.
//Samir Qurbanov, Editor.az
