“Qarabağ” UEFA tərəfindən cərimələnib.
Fanat.Az xəbər verir ki, buns səbəb Çempionlar Liqasının Liqa mərhələsinin 7-ci turunda Bakıda “Ayntraxt”a qarşı keçirilən (3:2) oyunda səsləndirilən şüardır.
Qərara əsasən, Ağdam təmsilçisi “idman tədbirinə uyğun olmayan mesajın ötürülməsi” və “ümumilikdə futbolun və xüsusilə UEFA-nın nüfuzuna zərər vurulması” səbəbilə 17 500 avro məbləğində cərimə olunub. Qərarda söhbətin konkret nədən getdiyi açıqlanmayıb.
Hərçənd, Ağdam təmsilçisinə azarkeşlərin “UEFA – mafiya” hayqırtısının baha başa gəldiyi şübhə doğurmur.
Qitə futbol qurumu "köhlənlər"in bilet nəzarəti qaydalarını da pozduğunu da vurğulayıb.
