ABŞ-nin təzyiqi ilə qəbul edilən əfv qanununa əsasən, Venesuelada 23 yeni məhbus azadlığa buraxılıb.
Bakıvaxtı.az “LeMonde.fr”ə istinadən xəbər verir ki, bu barədə Foro Penal QHT-si məlumat yayıb. Xəbərdə qeyd olunur ki, onların arasında müxalifət lideri və Nobel Sülh Mükafatı laureatı Maria Korina Maçadonun partiyası olan “Vente Venezuela”nın ən azı yeddi üzvü, o cümlədən liderlərindən biri Xuan Freites də var.
Xanım Maçado “X”platformasında yazıb: “Evə xoş gəlmisiniz, əziz Juan! Ailəniz, ananız, bacılarınız və bütün “Vente” ailəniz, biz mübarizəni dayandırmamışıq. Tezliklə sərbəst şəkildə qucaqlaşacağıq!”
Bu son açıqlamalardan əvvəl Venesuela ədliyyə sistemi müvəqqəti prezident Delsi Rodriqezin vəd etdiyi və cümə axşamı günü qəbul edilib qüvvəyə minən qanuna əsasən 379 siyasi məhbusa azadlıq vermişdi. Müvəqqəti prezidentin sözlərinə görə, ümumilikdə 1557 məhbus bu qanunvericiliyə əsasən azadlığa buraxılmasını tələb edib.
Məlumat üçün bildirək ki, dünən 200-dən çox siyasi məhbus aclıq aksiyasına başlayıb.
Aydın Baxış
