Meksika Milli Müdafiə Nazirliyi, Xalisko Yeni Nəsil Kartelinin lideri və ölkənin ən çox axtarılan narkotik baronu El Mençonun Xaliskoda keçirilən əməliyyat zamanı ağır yaralandığını və Mexiko şəhərinə aparılarkən öldüyünü açıqladı.
Milli Müdafiə Nazirliyi El Mençonun yüksək dəqiqlikli hərbi əməliyyat zamanı Xalisko ştatının Tapalpa şəhərində öldürüldüyünü təsdiqləyib.

Bəyanatda deyilirdi: "Əməliyyatın məqsədi El Mençonu diri-diri tutmaq idi, lakin o, toqquşmada ağır yaralanaraq Mexiko şəhərinə hava yolu ilə aparılarkən öldü. Rəsmi şəxsiyyətin müəyyən edilməsi üçün autopsiya və məhkəmə-tibbi ekspertizası aparılacaq."

Bəyanatda həmçinin toqquşma zamanı dörd kartel üzvünün öldürüldüyü və ikisinin saxlanıldığı qeyd edilib və əlavə edilib: "Təəssüf ki, bu hərbi əməliyyat zamanı üç əsgər yaralanıb. Yaralı əsgərlər təcili müalicə üçün Mexiko şəhərindəki tibb müəssisələrinə aparılıb."
Meksika mediası ABŞ kəşfiyyatının dəstəklədiyi əməliyyat zamanı hərbi qulluqçulara cinayətkar təşkilat üzvlərinin hücumu nəticəsində silahlı qarşıdurma baş verdiyini bildirib.
ABŞ El Mençonu Meksikada "terror hakimiyyəti" qurmaqda və fentanil qaçaqmalçılığı yolu ilə "saysız-hesabsız insanın həyatını məhv etməkdə" günahlandırdı.

Vaşinqton administrasiyası El Mençonun tutulmasına və ya məhkum edilməsinə səbəb olan məlumata görə 15 milyon dollara qədər mükafat vəd etmişdi.

CJNG, Vaşinqton administrasiyasının keçən ildən bəri terror təşkilatı kimi tanıdığı Meksika kartellərindən biri kimi tanınır.

aia.az
Tərcümə şöbəsi

• Əməliyyat
• Ölüm
• Narkotik
• Meksika
• El Menço