Olaylar.az xəbər verir ki, Belarus prezidentinin Vətən Müdafiəçiləri və Silahlı Qüvvələr Günü münasibətilə yayımlanan təbrik müraciətində qeyd olunub ki, yalnız müasir, yaxşı təchiz olunmuş və çevik ordu potensial aqressora qarşı effektiv cavab verə bilər. Dövlət başçısı vurğulayıb ki, belə bir ordu son illər ərzində mərhələli şəkildə qurulub.
Lukaşenkonun sözlərinə görə, Belarusun dinc gələcəyinin əsas təminatı silahlı qüvvələrin gücü, xalqın birliyi və həmrəyliyidir və bu amillər davamlı şəkildə möhkəmləndirilməlidir.
Prezident çıxışında xatırladıb ki, Belarus tarixən Vətənin azadlığı və müstəqilliyi uğrunda canından keçən döyüşçüləri daim ehtiramla yad edib. O, 85 il əvvəl faşist Almaniyasının hücumu zamanı Qırmızı Ordunun və sovet xalqının qələbəsini xatırladaraq, həmin qələbənin gələcək nəsillərə miras qaldığını bildirib.
Lukaşenko qəhrəmanların xatirəsinin daim anılmasının vacibliyini vurğulayıb və qeyd edib ki, unutqanlıq faciələrin təkrarlanmasına səbəb ola bilər. O əlavə edib ki, hazırda Belarus sərhədləri yaxınlığında "nasistlərin varisləri" tərəfindən yenidən hərbi qruplaşmalar formalaşdırılmağa cəhdlər edilir və rəsmi Minsk bu prosesləri diqqətlə izləyir.
