Avropa İttifaqının xarici işlər nazirləri bu gün Brüsseldə keçirilən görüşdə Rusiyaya qarşı 20-ci sanksiya paketi barədə razılığa gələ bilməyəcək.
APA xəbər verir ki, bu barədə Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas Xarici İşlər Şurasının iclasından əvvəl jurnalistlərə açıqlamasında bildirib.
“Əlbəttə ki, biz 20-ci sanksiya paketini müzakirə edəcəyik. Görürsünüz ki, bu gün heç bir irəliləyiş olmayacaq, amma biz səy göstərəcəyik. Bütün etirazları dinləyəcək və nə edilə biləcəyini nəzərdən keçirəcəyik”, – o qeyd edib.
Onun sözlərinə görə, Avropa Komissiyası sanksiyaların tətbiqi üçün əlindən gələni edir və onları bloklayan ölkələrlə işləyir.
Kallas əlavə edib ki, bu gün həmin ölkələrin mövqelərini dəyişəcəyi ehtimalı görünmür.
