ain.az xəbər verir, Azertag saytına əsaslanaraq.
Tbilisi, 23 fevral, AZƏRTAC
Tbilisidə səfərdə olan Azərbaycan Respublikasının Baş prokuroru Kamran Əliyev fevralın 23-də Gürcüstanın Baş prokuroru Giorgi Qvarakidze ilə görüşüb.
AZƏRTAC xəbər verir ki, Kamran Əliyev dəvətə görə gürcü həmkarına təşəkkürünü bildirib. O qeyd edib ki, Gürcüstan Azərbaycan üçün dost ölkədir.
Giorgi Qvarakidze qurumlararası münasibətlərin inkişafından məmnunluğunu ifadə edib.
Görüşdə iki ölkənin prokurorluq orqanları arasında cinayətkarlığın müxtəlif formalarına qarşı birgə mübarizə, həmçinin ekstradisiya və cinayət işləri üzrə qarşılıqlı hüquqi yardım sahələrində praktiki əməkdaşlıq məsələləri ətrafında fikir mübadiləsi aparılıb.
Xətayi Əzizov
AZƏRTAC-ın xüsusi müxbiri
Tbilisi
Hadisənin gedişatını izləmək üçün ain.az saytında ən son yeniliklərə baxın.
