İndoneziyanın Açeh əyalətində əmələ gələn nəhəng çökəkliyin 30.000 kvadrat metrdən çox ərazini əhatə etdiyi və 100 metr dərinliyə çatdığı bildirilir. Antara News-un məlumatına görə, İndoneziya Milli Tədqiqat və İnnovasiya Agentliyi (BRIN) son həftələrdə əyalətin Mərkəzi Açeh bölgəsindəki bir kənddə peyda olan nəhəng çökəkliyi araşdırdığını açıqlayıb.

Bəyanatda bildirilir ki, 30.000 kvadrat metrdən çox eni və 100 metr dərinliyi olan çökəklik sürüşmə nəticəsində əmələ gəlib.
Bölgədəki kiçik çökəkliyin zamanla eroziya və sürüşmələr səbəbindən genişlənib dərinləşdiyi və nəhəng ölçülərə çatdığı bildirilib.

Bəyanatda həmçinin seysmik aktivliyin prosesə töhfə verdiyi və 2013-cü ildə Mərkəzi Açehdə baş verən 6,2 bal gücündə zəlzələnin torpaqda qeyri-sabitliyi artıraraq torpaq strukturunu zəiflədə biləcəyi qeyd edilib.

aia.az
Tərcümə şöbəsi

• Dünya
• İndoneziya
• Çökəklik