Xəbər verdiyimiz kimi Bakının Sabunçu rayonunda yaşayan Yevlax rayon sakini Abbasov Rövşən Yusif oğlu "188” Yükdaşıma və Evakuasiya Xidmətindən şikayətçidir.
Sitat.info-ya müraciət edərək problemini ictimailəşdirməyə çalışan Rövşən Abbasov 1 ildir ki, çalışdığı "188" Yükdaşıma Xidmətindən əmək haqqını ala bilmir.
Məsələ ilə bağlı şirkətdən də mövqe öyrəndik. Şirkətdən Abbasov Rövşən Yusif oğlunun 3 aylıq əməkhaqqının verilmədiyini təsdiqlədilər.
Xanım əməkdaş bildirdi ki, şirkətin vergi borcuna görə bank hesabına sərəncam qoyulduğundan işçilərin maaşlarının ödənilməsi gecikir : "Hazırda şirkətin hesabında sərəncam var, 7-10 gün ərzində əmək haqqını ödməyə çalışacağıq.
Bu barədə sizə ətraflı məlumat da verəcəyik".
Məğrur,
Sitat.info
