Ayna saytından verilən məlumata əsasən, ain.az məlumatı açıqlayır.
Prezident Baş Qərargah rəisinin İranla müharibəyə qarşı çıxması ilə bağlı məlumatları təkzib edib
ABŞ Prezidenti Donald Tramp Birləşmiş Qərargah Rəisləri Komitəsinin sədri Den Keynin İranla müharibəyə qarşı çıxdığı barədə xəbərlərin “tamamilə yalan” olduğunu bildirərək, “razılaşma olmadan İran üçün nəticələrin dəhşətli olacağı” barədə xəbərdar edib.
AYNA.AZ xəbəır verir ki, Tramp sosial media paylaşımında Keynin mövqeyi ilə bağlı xəbərlərə münasibət bildirib.
Keynin İranla müharibəyə qarşı çıxdığı iddiasına toxunan Tramp qeyd edib: "Saxta media general Keynin İranla müharibəyə qarşı çıxdığı barədə xəbərlər yayır. Bu xəbərlər 100% yalandır".
Prezident vurğulayıb ki, İranla bağlı qərarı özü verir və əgər həmin ölkəyə zərbə endirmək qərarı verilərsə, Keyn bunu həyata keçirəcək və silahlı qüvvələrə effektiv şəkildə rəhbərlik edəcək.
Trampın sözlərinə görə, "General Keyn, hamımız kimi, müharibə istəmir, amma İranla bağlı hərbi səviyyədə qərar verilərsə, o bunun asanlıqla qazanılacağına inanır".
Ağ Ev rəhbəri həmçinin Tehran hakimiyyətinə müraciət edərək bildirib ki, "Qərarı verən mənəm. Razılaşmaya üstünlük verərdim, amma razılaşma olmazsa, bu, bu ölkə və təəssüf ki, xalqı üçün çox pis bir gün olacaq".
Daha əvvəl ABŞ-ın Birləşmiş Qərargah Rəisləri Komitəsinin sədri Den Keynin Trampı İrana qarşı mümkün hərbi əməliyyatın uzunmüddətli münaqişəyə səbəb ola biləcəyi barədə xəbərdar etdiyi məlumatı yayılıb.
Müzakirələrlə tanış olan iki mənbəyə istinadən “Axios” yazıb ki, Keyn Trampa İrana zərbənin əhəmiyyətli risklər yarada biləcəyini deyib.
Sonrakı hadisələr barədə daha çox məlumat almaq üçün ain.az saytını izləyin.
