Misli Premyer Liqasının 2025-26 mövsümündə 300-cü qol vurulub.
Sportinfo.az xəbər verir ki, yubiley qolu 21-ci turun “Karvan-Yevlax” – “Araz-Naxçıvan” (0:2) oyununda qeydə alınıb.
Qarşılaşmanın 50-ci dəqiqəsində penaltidən fərqlənən qonaqların braziliyalı futbolçusu Felipe Santos mövsümdə 300-cü qolun müəllifi olub.
Bu mövsüm hələ ki, ümumilikdə 301 qol vurulub ki, bunun 69-u yerli, 226-sı əcnəbi futbolçuların aktivinə yazılıb. 6 dəfə isə avtoqol qeydə alınıb.
Hesablama zamanı 4-cü turun “İmişli” – “Sumqayıt” oyunundakı 0:3 hesablı texniki məğlubiyyət nəzərə alınmayıb.
