ain.az, Moderator.az portalına istinadən məlumatı açıqlayır.
Respublikaçı senator Ted Kruz 2026-cı ildə 3 qeyri-demokratik rejimin süqutunu proqnozlaşdırıb.
Moderator.az yəhudi mediasına istinadla xəbər verir ki, senator bu barədə "CNBC" kanalına müsahibəsində danışıb.
Kruzun sözlərinə görə, Venesuela, İran və Kubadakı rejimlər növbəti 6 ay ərzində süquta uğraya bilər. Respublikaçı senator vurğulayıb ki, əgər bu uğur baş tutarsa, bu, Berlin divarının yıxılmasından bəri ən böyük geo-siyasi dəyişiklik olacaq.
"Biz elə bir nöqtədəyik ki, növbəti 6 ay ərzində İran, Venesuela və Kubadakı rejimlərin süqutunu və onların Amerikanın dostu olmaq istəyən hökumətlərlə əvəz olunacağını görə bilərik. İndi isə açıq şəkildə deyim: hər şeyin başqa cür gedə biləcəyi minlərlə yol var", - deyə o, diqqətə çatdırıb.
Senator Kruz əlavə edib ki, bu barədə "çəhrayı illüziyaları" yoxdur.
"Amma bu baş verərsə, bu, Berlin divarının yıxılmasından bəri ən böyük geo-siyasi dəyişiklik olardı", - deyə o vurğulayıb.
S.Laçın
Sonrakı hadisələr barədə daha çox məlumat almaq üçün ain.az saytını izləyin.
