BAKI, 25 fevral. TELEQRAF
“Azərbaycanda ilk dəfə olaraq sinergetik yanaşmadan və hidroloji kodlaşdırmadan istifadə etməklə çayların su ehtiyatları qiymətləndirilib”.
Teleqraf xəbər verir ki, bunu AMEA-nın Ümumi Yığıncağında akademik Arif Həşimov deyib.
O bildirib ki, Azərbaycan dünyanın su ehtiyatları ilə az təmin olunmuş regionlarındandır:
“Dünya üzrə adambaşına düşən orta illik su təminatı 25 000 kubmetr olduğu halda, Azərbaycanda bu göstərici tranzit axın nəzərə alınmaqla 3 000 kubmetrdir.
Respublikanın su ehtiyatlarının həcmi 28–32 milyard m³ arasında dəyişir. Quraqlıq illərdə isə bu göstərici 23–27 milyard m³ təşkil edir ki, onun 15 milyard kubmetr tranzit çayların – əsasən də Kür və Araz çaylarının payına düşür. Azərbaycanın yerüstü su ehtiyatlarının 70 faizi isə həmsərhəd ölkələrdə formalaşır”,- o vurğulayıb.
