Avstraliya İsraildə və Livanda çalışan diplomatlarının ailə üzvlərinə bu ölkələri tərk etməyi tapşırıb.
APA xəbər verir ki, bu barədə “Reuters” Avstraliyanın Xarici İşlər Nazirliyinə istinadən məlumat yayıb.
Avstraliya bölgədəki təhlükəsizlik vəziyyətinin pisləşdiyini əsas gətirərək, belə bir çağırış edib.
Nazirliyin açıqlamasında Birləşmiş Ərəb Əmirlikləri, İordaniya və Qətərdəki Avstraliya diplomatlarının ailə üzvlərinə könüllü olaraq həmin ölkələri tərk etmək təklif edilib.
