Türkiyəyə uçan təyyarədə YANĞIN
Ajans.az Telegram kanalı “Baza”-ya istinadən xəbər verir ki ,hadisə Ural Hava Yollarına məxsus Airbus A320 təyyarəsində baş verib. Portativ cihaz sərnişinin yanında, boş oturacaqda olub və uçuşdan təxminən 20 dəqiqə sonra alovlanıb. Sərnişin enerji bankını çıxarmağa çalışarkən barmağını yandırıb. Yanğın enerji bankının oturacaq örtüyü və təhlükəsizlik kəmərinə də ziyan vurub. Stüardessalar hadisə yerinə tezliklə çataraq alovu yanğınsöndürənlə söndürüblər. Nasaz cihaz daha sonra su ilə doldurulmuş metal qaba qoyularaq təhlükəsiz yerə daşınıb. Xəsarət alan sərnişinə tibbi yardım təklif olunub, lakin o, imtina edib. Aviaşirkətin məlumatına görə, təyyarə normal uçuşunu davam etdirib və Türkiyəyə təhlükəsiz eniş edib.
