Azərbaycanın U-19 millisi Moldovada ilk yoxlama oyununa çıxıb.
Sportinfo.az xəbər verir ki, komanda Moldova yığması ilə üz-üzə gəlib.
Vadul lui Voda şəhərindəki Texniki Mərkəzdə keçirilən görüş Azərbaycan millisinin 2:1 hesablı qələbəsi ilə yekunlaşıb.
Yığmamızın qollarını Nicat Nərimanov (61-ci dəqiqə) və İbrahim Babayev (82-ci dəqiqə) vurublar.
Bu komandalar arasında ikinci yoxlama oyunu fevralın 27-də keçiriləcək.
