Demokrat.az portalından alınan məlumata görə, ain.az xəbər verir.
Ramazan ayında sahur süfrəsində yol verilən bəzi qidalanma yanlışları gün ərzində qan şəkərinin dəyişməsinə və diqqət dağınıqlığına yol açır. Dietoloq Melike Ertaylan Saatçı xəbərdarlıq edir ki, xüsusilə tək növ qidalanma vərdişi orucluq müddətini daha da çətinləşdirə bilər. Sağlam sahurun əsasını isə balanslı boşqab modeli təşkil edir.Demokrat.az xəbər verir ki, düzgün sahur süfrəsində kompleks karbohidratlar, keyfiyyətli zülallar və sağlam yağlar bir arada olmalıdır. Yulaf kimi karbohidratlar həzmi ləngidərək enerjini stabil saxlayır, yumurta və qatıq kimi zülallar isə toxluq müddətini uzadır. Lifli qidaların azlığı Ramazanda ən çox rastlanan problemlərdən olan qəbizliyə səbəb olur. Bunun qarşısını almaq üçün süfrədə mütləq pomidor, xiyar və göyərtilərə yer vermək lazımdır.Enerjili qalmaq üçün dietoloq kompleks karbohidratlardan istifadə etməyi və kifayət qədər zülal qəbul etməyi tövsiyə edir. Qoz, zeytun və avokado kimi sağlam yağlar da unudulmamalıdır. Həddindən artıq duzlu və şəkərli qidalar bədənin su ehtiyatını sürətlə tükədərək gün ərzində susuzluq hissini artırır.Yalnız qidalanma deyil, su istehlakı da kritik əhəmiyyət daşıyır. Sahurda içilən kifayət qədər su baş ağrısı və halsızlığın qarşısını alır. Düzgün planlanmış sahur boşqabı həm fiziki, həm də zehni performansı axşama qədər yüksək səviyyədə saxlamağa kömək edir.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
