ABŞ dövlət katibi Marko Rubio İranın ballistik raketlər haqqında danışmaqdan imtina etdiyini iddia edərək bunu "böyük problem" adlandırıb.
Turkustan.az xəbər verir ki, ABŞ mediasının məlumatına görə, Rubio Karib dənizi ölkəsi olan Sent-Kits və Nevisə səfəri zamanı İranın çoxsaylı ballistik raketlərə, xüsusən də qısa mənzilli raketlərə sahib olduğunu və Birləşmiş Ərəb Əmirlikləri (BƏƏ), Qətər və Bəhreyndəki bütün bazalar da daxil olmaqla, ABŞ bazalarını və bölgədəki tərəfdaşlarını təhdid etdiyini bildirib.
Rubio həmçinin iddia edib ki, onlarda dəniz gəmiçiliyi və ABŞ Hərbi Dəniz Qüvvələrini təhdid edən dəniz elementləri var və deyib: "Buna görə də istəyirəm ki, hamı bunu başa düşsün. Nüvə proqramından başqa, onlar həmçinin yalnız Amerikaya və amerikalılara hücum etmək üçün hazırlanmış bu ənənəvi silahlara da malikdirlər".
Aytən Yaşar/ Turkustan.az
