Xocalı xalqıma vurulan zərbə,
Xocalı xalqımın ah naləsidir.
Xocalı günahsız şəhidlərimin,
Qəlbimdə döyünən ayaq səsidir.
----------
Qıyıldı yüzlərlə insan qanına,
Qəsd etdi, baxmadı cavan canına.
Gör neçə sakinin düşdü didərgin.
Dağ, daş da baxırdı sakitcə o gün
-----------
Qarlı meşələrdə tutuldu yollar,
Süngüyə taxılıb, kəsildi qollar.
Xalqıma vuruldu ağır bir zərbə,
Ucaldı göylərə gör neçə nalə.
-----------
Ucalsın göylərə qoy haqqın səsi,
Hürkütsün düşməni xalqın nərəsi.
Gün gələr qayıdar Xocalı yurdu,
Gül açar o zaman dağı dərəsi..
Tural Coşqun
