Azpolitika.az portalından əldə olunan məlumata əsasən, ain.az xəbər verir.
Bütün dünya Amerika Birləşmiş Ştatları ilə İran arasında Cenevrədə keçiriləcək dolayı danışıqların nəticəsini gözləyir. Bu gün baş tutacaq görüşlər ərəfəsində Vaşinqton administrasiyası Tehrana təzyiqi artırmaq məqsədilə bölgədə hərbi mövcudluğunu genişləndirməyə davam edir.
Məlumata görə, ABŞ Orta Şərqdə yerləşən ABŞ Mərkəzi Komandanlığı (CENTCOM) bazalarına 300-dən çox hərbi təyyarə və qırıcı göndərib. Bu təyyarələrin təxminən 150-si İranla ikinci mərhələ danışıqlardan sonra bölgəyə yerləşdirilib.
Açıq mənbəli uçuş məlumatlarına əsasən, hərbi təyyarələr əsasən Qətərdəki Əl-Udeyd Hava Bazası, İordaniyadakı Muwaffaq al Salti Hava Bazası və Səudiyyə Ərəbistanındakı Şahzadə Sultan Hava Bazası arasında yerləşdirilib. Bununla yanaşı, bölgədə USS Abraham Lincoln və USS Gerald R. Ford təyyarədaşıyan gəmilərində yerləşən hava eskadrilyaları da fəaliyyət göstərir.
ABŞ Hərbi Hava Qüvvələrinin bölgədəki inventarında müxtəlif təyinatlı döyüş və dəstək təyyarələri yer alır. Bunlara 84 ədəd “F-18E/F”, 36 “F-15E”, 48 “F-16C/CJ/CM” və 42 “F-35A/C” qırıcıları daxildir ki, bu da ümumi aviasiya gücünün təxminən 70 faizini təşkil edir.
Qalan 30 faizlik hissəyə isə 18 “EA-18G Growler” elektron müharibə təyyarəsi, 12 “A-10C Thunderbolt” yaxın hava dəstəyi təyyarəsi, 5 “E-11A BACN” rabitə təyyarəsi və 6 “E-3 Sentry AWACS” erkən xəbərdarlıq və nəzarət sistemli təyyarə daxildir.
"AzPolitika.info"
Daha ətraflı məlumat və yeniliklər üçün ain.az saytını izləyin.
