ABŞ-ın hərbi müdaxiləsi nəticəsində əsirlikdə olan Venesuela prezidenti Nikolas Maduronun vəkili Tramp administrasiyasının Venesuela hökumətinin Maduronun müdafiə xərclərini ödəməsinə mane olduğunu iddia edib.
Turkustan.az xəbər verir ki, Maduronun vəkili Barri Pollakın ötən həftə Manhetten federal hakiminə göndərdiyi elektron poçt məhkəmə qeydlərinə daxil edilib.
Pollak elektron poçtunda iddia edir ki, ABŞ Maliyyə Nazirliyi Venesuela hökumətinin Venesuela qanunlarına və adətlərinə uyğun olaraq Maduro və həyat yoldaşı Siliya Floresə ödəməli olduğu hüquqi xərcləri təsdiqləməsinin qarşısını alıb.
Pollak bildirib ki, Venesuelaya qarşı sanksiyaları idarə edən Maliyyə Nazirliyinin Xarici Aktivlərə Nəzarət İdarəsi (OFAC) Venesuela hökumətinə 9 yanvarda müdafiə xərclərini ödəməyə icazə verib, lakin üç saatdan az müddət sonra "heç bir izahat vermədən" bu icazəni ləğv edib və əlavə edib ki, Maduronun həyat yoldaşı Siliya Flores üçün icazə hələ də qüvvədədir.
Aytən Yaşar/ Turkustan.az
