Bakı, 26 fevral, AZƏRTAC
Beynəlxalq Atom Enerjisi Agentliyinin baş direktoru Rafael Qrossi Cenevrədə keçirilən İran və ABŞ danışıqlarının üçüncü raundunda iştirak edə bilər.
AZƏRTAC xəbər verir ki, bu barədə İranın Xarici İşlər Nazirliyinin rəsmi nümayəndəsi İsmail Beqai İranın dövlət telekanalına açıqlaması zamanı deyib.
“Beynəlxalq Atom Enerjisi Agentliyinin baş direktoru çox güman ki, ötən dəfə olduğu kimi, budəfəki danışıqlarda da iştirak edəcək”, - deyə XİN nümayəndəsi bildirib.
Xatırladaq ki, bu gün Cenevrədə Omanın vasitəçiliyi ilə ABŞ və İran arasında Tehranın nüvə məsələsi ilə bağlı danışıqların üçüncü raundu başlayıb. Birləşmiş Ştatların Vitse-prezidenti Cey. Di. Vens fevralın 17-də baş tutan danışıqlarının ikinci raundunda Tehranın danışıqlar zamanı Ağ Ev tərəfindən irəli sürülən bir neçə prinsipial mövqeni qəbul etmədiyini bildirib.
