ain.az, Reyting.az saytından verilən məlumata əsaslanaraq xəbər yayır.
2025-ci ildə Hindistan Rusiya almazlarının idxalını 39 faiz azaldaraq 406 milyon dollara endirib.
Reyting.az xəbər verir ki, bu barədə “İnterfaks” Cənubi Asiya ölkəsinin Ticarət və Sənaye Nazirliyinə istinadla məlumat yayıb.
2024-cü ildə idxal həcmi 664 milyon dollar olaraq qiymətləndirilib. 2025-ci ilin dekabr ayında daşınmalar 12 milyon dollar təşkil edib. 2024-cü ilin son ayı ilə müqayisədə azalma 63 faiz olub.
Ümumilikdə, Hindistan ötən il 16,76 milyard dollar dəyərində xarici almaz alıb. Bu, 2024-cü illə müqayisədə altı faiz azalmadır. BƏƏ bu mineralların ən böyük təchizatçısı olaraq qalaraq - 8,46 milyard dollar dəyərində almaz tədarük edib. Honkonq idxalının 2,48 milyard dollar, Belçika idxalının isə 1,91 milyard dollar olduğu təxmin edilir.
2025-ci ilin yanvar-oktyabr ayları arasında Hindistanın Rusiya almazlarının idxalı illik müqayisədə 36 faiz azalıb. Lakin avqust ayında bu daşınmalar üç dəfədən çox artıb.
V. QULİYEV
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
