Amerika Ürək Assosiasiyasının araşdırmasına görə, ABŞ-da 2011–2022-ci illər arasında 55 yaşdan kiçik yetkinlərdə ürək tutmasından ölüm halları artıb və bu artım xüsusilə qadınlar arasında müşahidə olunur.
QHT.az xəbər verir ki, təxminən 1 milyon xəstəxanaya yerləşdirilmənin təhlili göstərib ki, ilk infarktdan sonra ölüm nisbəti bu yaş qrupunda 1,2% yüksəlib.
Araşdırma həm ağır (STEMI), həm də daha yüngül (NSTEMI) hallarda gənc qadınların xəstəxanadaxili ölüm riskinin eyni yaşdakı kişilərlə müqayisədə daha yüksək olduğunu ortaya qoyub. Mütəxəssislər bildirirlər ki, gənc qadınlarda aşağı gəlir, böyrək xəstəliyi və narkotik istifadəsi kimi qeyri-ənənəvi risk faktorları daha çox rast gəlinir. Alimlər erkən diaqnostika və risk faktorlarının daha diqqətli qiymətləndirilməsinin vacibliyini vurğulayırlar.
R.İmanov
