Mərcimək yüksək protein tərkibinə görə vacib qidadır.
"Ölkə.az" xəbər verir ki, bunu NEWS.ru-ya danışan qidalanma üzrə mütəxəssis Olqa Yablokova deyib.
Mütəxəssisin sözlərinə görə, bu paxlalı bitki ürək və sinir sisteminin sağlamlığı üçün vacib olan dəmir, maqnezium və kaliumla zəngindir. Dəmir normal hemoqlobin səviyyəsini saxlayır, maqnezium sinir sisteminin fəaliyyətində iştirak edir və kalium ürək-damar sistemi üçün vacibdir. Orta hesabla 100 qram quru mərciməkdə təxminən 24-25 qram protein var ki, bu da onu pəhrizdə əsas məhsula çevirir.
Yablokova məhsulun yüksək lif tərkibinə görə həzmə müsbət təsir göstərdiyini vurğulayıb. Yüz qram mərcimək gündəlik qida lifinə olan tələbatın 30-60 faizini təmin edir. Həll olan və həll olmayan liflər bağırsaq fəaliyyətini yaxşılaşdırır, xolesterolu azaltmağa və qan şəkərini idarə etməyə kömək edir.
Elvin
Ölkə.az
