“Barselona”nın müdafiəçisi Erik Qarsiya komandanın son nəticələri və mövsümün həlledici mərhələsi barədə fikirlərini bölüşüb.
Sportinfo.az “Barca Universal”-a istinadən xəbər verir ki, ispaniyalı futbolçu tez-tez qalib gəlməyə öyrəşdiklərini bildirib:
“Biz tez-tez qalib gəlməyə öyrəşmişik. Ardıcıl iki pis nəticə olanda təhlil etməyin vaxtıdır. Düşünürəm ki, bu, ev oyunlarında daha güclü şəkildə geri dönməyimizə kömək edəcək.
La Liqada liderliyi geri qaytardıq və hələ də kubokda geridönüş edə biləcəyimizə inanıram. Daha sonra isə bizi UEFA Çempionlar Liqası gözləyir, burada həyəcanlı turlar gəlir”.
“Barselona” kubokun yarımfinalının ilk oyununda “Atletiko”ya 0:4 hesabı ilə məğlub olub, daha sonra isə La Liqada “Jirona”ya uduzub – 1:2.
Komanda son turda “Levante”ni (3:0) məğlub edərək, ölkə çempionatında yenidən turnir cədvəlinin 1-ci pilləsinə yüksəlib.
