ain.az xəbər verir, Ayna saytına əsaslanaraq.
"Daha bir gün keçdi və Prezident Volodimir Zelenski hələ də “Drujba” kəməri ilə neft tədarükünü bərpa etməyib”
Macarıstanın Baş naziri Viktor Orban Ukraynanın Rusiya neft tranzitini bloklamasına cavab olaraq gələcək birgə addımlar barədə slovakiyalı həmkarı Robert Fiko ilə məsləhətləşəcək. AYNA.AZ xarici mediaya istinadən bildirir ki, bu barədə Orban özü bildirib.
"Daha bir gün keçdi və Prezident Volodimir Zelenski hələ də “Drujba” kəməri ilə neft tədarükünü bərpa etməyib. Bu, Macarıstanın enerji təhlükəsizliyini təhdid etməkdə davam edir. Neft tədarükünə dərhal başlamaq lazımdır!" - deyə Baş nazir deyib.
O həmçinin qeyd edib ki, Macarıstanın məlumatına görə, kəmər işlək vəziyyətdədir və Kiyev Rusiyadan neft tədarükünü yalnız siyasi səbəblərdən bloklayır: "Ukrayna Prezidentindən Avropa Birliyi və onun üzv dövlətləri qarşısında öhdəliklərini yerinə yetirməsini və “Drujba” kəmərinin fəaliyyətini bərpa etməsini gözləyirik. Buna görə də bu gün Slovakiyanın Baş naziri Robert Fiko ilə məsləhətləşəcəyəm".
Hadisənin gedişatını izləmək üçün ain.az saytında ən son yeniliklərə baxın.
