Milanda tramvayın relsdən çıxması nəticəsində ən azı bir nəfər ölüb, 39 nəfər yaralanıb.
"Unikal" xəbər verir ki, onlardan bəziləri ağır vəziyyətdədir.
Həddindən artıq izdihamlı tramvay "Via Vittorio Veneto" boyunca hərəkət edərkən binanın yan tərəfinə çırpılıb.
Ölən şəxsi tramvayın vurduğu, yaralıların əksəriyyətinin isə sərnişin olduğu ehtimal olunur. Sərnişinlər tramvayın altından səs eşitdiklərini, daha sonra isə tramvayın qəfil döndüyünü, sürətləndiyini və binaya çırpıldığını bildiriblər.
Relsdən çıxmanın səbəbi hələ də məlum deyil.
