İran və İsrail Tehrana edilən hücumlardan sonra hava məkanlarını bağlayıblar.
Publika.az xəbər verir ki, xüsusilə, İsrail Hava Limanları İdarəsi bütün mülki hava limanlarının fəaliyyətini dayandırdığını bildirib.
Mətbuat açıqlamada deyilir: "Sərnişinlər hazırda hava limanına səyahət etməməli və əlavə məlumat üçün aviaşirkətləri ilə əlaqə saxlamalıdırlar".
Öz növbəsində, İran Mülki Aviasiya Təşkilatının sözçüsü Məcid Əhəvan bildirib ki, verilən NOTAM (hava hərəkəti bildirişi) əsasında bütün ölkənin hava məkanı növbəti xəbərdarlığa qədər bağlıdır.
