Müəllif: Tamara Mustafayeva, Banco.az
“Google” “Form Energy” şirkətinə 1 milyard dollar ödəyib.
Banco.azxəbər verir ki, “Google” nəhəng, 100 saatlıq batareya texnologiyası hazırlayan “Form Energy” şirkətinə 1 milyard dollar ödəyib. Şirkət açıqlayıb ki, Minnesota ştatında külək və günəş enerjisi ilə yanaşı, “Form Energy” tərəfindən istehsal olunan və günlərlə fasiləsiz boşalma qabiliyyətinə malik xüsusi batareya sistemi ilə işləyəcək yeni məlumat mərkəzi inşa edəcək.
“Form Energy”nin iri həcmli dəmir-hava batareyası 100 saat ərzində fasiləsiz olaraq 300 meqavat elektrik enerjisi istehsal edə bilir. Bu sistem müəyyən mənada “nəfəs alaraq” işləyir: elementlərə ötürülən oksigen dəmiri oksidləşdirir və nəticədə elektronlar sərbəst buraxılır. Batareya 1,4 qiqavat külək enerjisi və 200 meqavat günəş enerjisindən əldə olunan elektron axınını sabitləşdirmək üçün istifadə ediləcək.
Startap şirkəti bu texnologiya üzərində illərdir çalışır və batareyaların istehsalı üçün Qərbi Virciniya ştatında zavod qurub. Lakin “Google” ilə imzalanan son razılaşmayadək böyük həcmli sifarişçi tapa bilməmişdi.
“Form Energy”nin baş icraçı direktoru Mateo Xaramillo böyük sifariş aldıqlarını və şirkətin 500 milyon dollarlıq investisiya mərhələsinə hazırlaşdığını bildirib. Şirkət indiyədək ümumilikdə 1,4 milyard dollar investisiya cəlb edib və gələn il səhmlərini açıq bazara çıxarmağı planlaşdırır.
Bizi sosial şəbəkələrdən izləyin!!
