Almaniya İrana qarşı hərbi əməliyyatlarda fəal iştirak etməyəcək, lakin hücuma məruz qalacağı təqdirdə İordaniya və İraqdakı hərbi bazalarındakı əsgərlərini qorumağı nəzərdən keçirəcək. Vətəninfo.az xəbər verir ki, bu barədə Almaniyanın xarici işlər naziri Yohan Vadeful martın 2-də bildirib.
Vaddeful Deutschlandfunk ictimai radiosuna bildirib ki, hökumətin münaqişədə iştirak etmək niyyəti yoxdur və əlavə edib ki, “bizdə həmçinin lazımi hərbi resurslar yoxdur”.
Lakin xarici işlər naziri bildirib ki, “əsgərlərimiz hücuma məruz qaldıqları təqdirdə özlərini müdafiə edəcəkləri” mümkündür.
Almaniya silahlı qüvvələrinin məlumatına görə, bölgədə gərginliyin artmasından sonra alman əsgərlərinin yerləşdiyi hərbi bazalar hədəfə alınıb.
Xüsusilə, İraqın şimalındakı Ərbil və İordaniyanın Əl-Əzrak bölgələrindəki bazalara hücumlar həyata keçirilib.
Almaniya DPA-nın məlumatına görə, hücumlar nəticəsində heç bir alman əsgəri xəsarət almayıb.
