Çin İrandakı müharibənin bütün tərəflərini gəmilərin Hörmüz boğazından təhlükəsiz keçməsini təmin etməyə çağırıb.
“Bloomberg”ə görə, Çin Xarici İşlər Nazirliyinin sözçüsü Mao Ninq bildirib ki, “Çin bütün tərəfləri dərhal hərbi əməliyyatları dayandırmağa, gərginliyin artmasının qarşısını almağa və Hörmüz boğazında gəmiçiliyin təhlükəsizliyini təmin etməyə çağırır”.
Jurnalistlər xatırladırlar ki, yüksək vəzifəli qaz sənayesi rəsmiləri əvvəllər Pekinin İran rəsmilərinə pərdəarxası təzyiq göstərdiyini bildirərək, onları boğazdan nəql edilən Qətər qazının və ya digər enerji məhsullarının ixracına mane ola biləcək hərəkətlərdən çəkinməyə çağırıblar. “Bloomberg” qeyd edir ki, Çin İran üçün həyati tərəfdaşdır, çünki o, ölkənin neftinin böyük əksəriyyətini alır, lakin dünyanın ikinci ən böyük iqtisadiyyatı Hörmüz boğazından nəql edilən həm neft, həm də qaz təchizatı üçün Fars körfəzi bölgəsinə güvənir.
Çindən başqa, Qətər də İran rəsmilərinə təzyiq göstərir. Qətər dövlət şirkətlərinin rəhbərlərinin sözlərinə görə, Qətər hökumət rəsmiləri iranlı həmkarlarına boğazdan keçən neft və mayeləşdirilmiş təbii qaz tankerlərinə hücum etməmək və bunun əvəzinə enerji təchizatına icazə vermək üçün təzyiq göstərirlər.
Bundan əlavə, İran rəsmilərindən Çinin mayeləşdirilmiş təbii qazının 30%-ni təkbaşına təmin edən Qətər kimi ixrac mərkəzlərinə hücum etməkdən çəkinmələri istənilib.
//Samir Qurbanov, Editor.az
