Bizon Azərbaycan Kubokunda ilk yarımfinalçı müəyyənləşib. İlk gündə bir qarşılaşma baş tutub. "Zirə" doğma meydanda "Sumqayıt" üzərində inamlı qələbə qazanıb.
Fanat.Az "Sumqayıt"ın baş məşqçisi Saşa İliçin oyunla bağlı fikirlərini təqdim edir:
“Əvvəlcə “Zirə”ni təbrik edirəm. Kubok oyunları bir qədər çətin olur. Xüsusən də ilk matçın 0:0 bitdiyini nəzərə alsaq, hər şey bu oyundan asılı idi. İlk hissəni nisbətən yaxşı oynadıq. İkinci hissədəki əvəzetmələrlə nələrisə dəyişməyə çalışdıq. Lakin qırmızı vərəqədən sonra rəqib hesabı daha da artırdı. Kubokda çıxışımız başa çatıb, artıq çempionata köklənmək lazımdır”.
