ain.az, Oxumeni.az portalına istinadən məlumat verir.
ABŞ Hərbi Hava Qüvvələri Yaxın Şərqə daha bir eskadrilya göndərib
.
İtamilradar xəbər verir ki, ABŞ Hərbi Hava Qüvvələri Yaxın Şərqə 12 ədəd F-35A Lightning II qırıcı təyyarəsindən ibarət eskadrilya göndərib. Təyyarə 3 martda Böyük Britaniyadakı Leyknhit Hərbi Hava Qüvvələri Bazasından yola düşüb.
Eskadrilyanın Yaxın Şərqdəki təyinat yeri açıqlanmayıb. ABŞ Hərbi Hava Qüvvələrinin əsas hissəsi İordaniyadakı Müvəffəq Salti Hərbi Hava Qüvvələri Bazasında yerləşir və orada artıq 30 F-35A və bir neçə digər tipli eskadrilya yerləşir.
Eskadrilyanın Leyknhitə yerləşdirilməsi 27 fevralda elan edilib. F-35A Lightning II qırıcı təyyarələrinə əlavə olaraq, Böyük Britaniyaya onlarla F-15E Strike Eagles təyyarəsi gəlib. Onları KC-135R Stratotanker və KC-46 Pegasus tankerləri müşayiət edib.
Bundan əlavə, The Jerusalem Post qəzetinin məlumatına görə, 24 fevralda İngiltərədən Negev səhrasında Ovda şəhərindəki İsrail hava bazasına 11 beşinci nəsil F-22 Raptor gizli qırıcı təyyarəsi gəlib.
Əziz MUSTAFA
Hadisənin gedişatını izləmək üçün ain.az saytında ən son yeniliklərə baxın.
