ain.az, Demokrat.az saytına istinadən bildirir.
Evdə xoş və təbii ətir yaratmaq düşündüyündən daha asandır. Kimyəvi tərkibli hava təravətləndiricilərindən uzaq durmaq istəyənlər üçün mətbəxdə olan sadə ləvazimatlarla hazırlanan üsullar həm praktik, həm də sağlam alternativ sayılır. Üstəlik, bu üsullar allergiyaya meyilli şəxslər üçün də uyğun seçim hesab olunur.Demokrat.az xəbər verir ki, evin havasını qısa müddətdə dəyişmək üçün sprey üsulu tövsiyə edilir. Bunun üçün 1 litr suya 2 çay qaşığı soda və 15-20 damla efir yağı əlavə etmək kifayətdir. Lavanda, portağal, şam və ya vanil yağı seçimlər arasında yer alır. Qarışıq sprey qabına tökülərək yaxşıca çalxalanır və otağa püskürdülür. Mütəmadi istifadə zamanı qabı hər dəfə çalxalamaq məsləhətdir. Qoxunun təsiri azaldıqda isə bir neçə damla əlavə efir yağı qatmaq mümkündür.Daha qalıcı və bütün evə yayılan ətir üçün qaynatma üsulu tətbiq olunur. Suya portağal və limon qabıqları, limon yağı, mixək, çubuq darçın və istəyə görə dəfnə yarpağı əlavə edilərək qaynadılır. Qarışıq bir neçə dəqiqə qaynadıqdan sonra ocaq söndürülür. Əldə olunan ətirli su kiçik dekorativ qab və ya bankalara tökülərək otaqlarda yerləşdirilir. Bu üsul evdəki rütubət qoxusunu aradan qaldırmaqla yanaşı, sakitləşdirici təsir də yaradır.Sadə və əlçatan inqrediyentlərlə hazırlanan bu təbii ətirlər evdə həm sağlam, həm də xoş atmosfer formalaşdırmağa kömək edir.Aytən
Demokrat.az
Ən son xəbərləri və yenilikləri almaq üçün ain.az saytını izləyin.
