ain.az xəbər verir, Ayna saytına əsaslanaraq.
“Türkiyənin ölkənin və xalqının təhlükəsizliyini təmin etmək əzmi və qabiliyyəti ən yüksək səviyyədədir"
“Region üçün bu çətin dövrdə Türkiyə heç bir halda sərhədlərinin və hava məkanının təhlükəsizliyini təsadüfə buraxmayacaq”. AYNA.AZ Türkiyə mediasına istinadən bildirir ki, bu sözləri Türkiyə Prezidenti Rəcəb Tayyib Ərdoğan İran ərazisindən Türkiyə hava məkanına ballistik raket atılması ilə bağlı şərhində deyib.
Dövlət başçısı vurğulayıb ki, Ankara "NATO müttəfiqləri ilə sıx əməkdaşlıq çərçivəsində bütün zəruri tədbirləri görür və lazım gələrsə dərhal cavab verəcək".
O əlavə edib ki, Türkiyə tərəfi "bu cür hadisələrin təkrarlanmasının qarşısını almaq üçün mümkün olan ən ciddi xəbərdarlıq" edib.
“Türkiyənin ölkənin və xalqının təhlükəsizliyini təmin etmək əzmi və qabiliyyəti ən yüksək səviyyədədir".
Qeyd edək ki, dünən Türkiyə Milli Müdafiə Nazirliyi İrandan Türkiyə hava məkanına atılan ballistik raketin Şərqi Aralıq dənizində yerləşən NATO hava və raketdən müdafiə qüvvələri tərəfindən zərərsizləşdirildiyini açıqlayıb.
Sonrakı hadisələr barədə daha çox məlumat almaq üçün ain.az saytını izləyin.
