5 mart – Bədən Tərbiyəsi və İdman Günüdür. Eyni zamanda Qazax rayonu 2026-cı il üçün İdman Paytaxtı seçilmişdir. Bu münasibətlə Qazax rayonunda geniş tədbir keçirilir və tədbirdə Farid Gayibov, gənclər və idman naziri də iştirak edir.
"Bu gün keçirilən böyük tədbirdə həm 5 Mart – Bədən Tərbiyəsi və İdman Günü qeyd olunur, həm də 2026-cı ilin İdman Paytaxtının açılış mərasimi baş tutur. Tədbir çərçivəsində ilk olaraq ötən ilin idman paytaxtı olan Qabala rayonunun icra hakimiyyəti başçısından simvolik açar alınaraq Qazakh Rayon İcra Hakimiyyətinin başçısına təqdim ediləcək. Açarın təqdim olunmasından sonra Qazax rəsmi olaraq 2026-cı ilin İdman Paytaxtı elan olunacaq".
Bu fikirləri “Gəncliyin Təşəbbüsü” maarifləndirmə İctimai Birliyinin təsisçisi və sədri Azər Əliyev QHT.az- a açıqlamasında bildirib. Əməkdar məşqçisinin sözlərinə görə, bu, Qazax rayonu və xüsusilə də Qazax gəncləri üçün tarixi hadisədir. Rayonda idmanın inkişafı yüksək səviyyədə davam edir və bütün qazaxlılar bu əlamətdar hadisəni böyük sevinc hissi ilə qarşılayırlar:
"Hazırda Qazax rayonunda iki mindən çox qonaq iştirak edir. Demək olar ki, bütün idman federasiyaları və idman ictimaiyyətinin nümayəndələri artıq Qazaxdadır. Azərbaycanın müxtəlif idman federasiyalarının nümayəndələri də tədbirdə iştirak edirlər. Tədbir çərçivəsində cənab nazir idman obyektlərinə baxış keçirib, müxtəlif idman növləri üzrə nümunəvi çıxışlar nümayiş olunub. Günün ikinci yarısında isə bütün federasiyaların və idmançıların iştirakı ilə böyük idman paradı keçiriləcək. Qazax rayonunda gənclər kütləvi idmanla ciddi şəkildə məşğul olur, idmanın inkişafı sürətlə davam edir və bu sahədə yüksək nəticələr əldə olunur".
Pərvanə Fərhadqızı
