...Bir vaxtlar Rembrandt van Reyn tərəfindən çəkilməmiş rəsm əsəri rəsmən Flamand ustasının əsəri kimi təsdiqlənib. Rijksmuseum bunu bazar ertəsi günü elan edərək, rəssamın 1633-cü ildə, 27 yaşında yaratdığı əsərin iki illik tədqiqatını başa çatdırıb.
SİA-nın əldə etdiyi məlumata görə, bu barədə Associated Press yazır....“Məbəddə Zəkəriyyənin görüntüsü” adlı əsər yüksək texnologiyalı skanlama və Rembrandtın digər əsərləri ilə müqayisələr vasitəsilə diqqətlə öyrənilib.
Mütəxəssislər təsdiqləyiblər ki, rəsm əsəri rəssam Amsterdama köçdükdən sonra yaradılıb və boya təbəqəsinin teksturasından tutmuş istifadə olunan piqmentlərə qədər onun üslubuna tamamilə uyğundur.
...Rəsm on illərdir sərgilənmirdi. 1961-ci ildə, mütəxəssislər səhvən Rembrandtın müəllifliyini istisna etdikdən cəmi bir il sonra, o, şəxsi kolleksiyaçı tərəfindən əldə edilib.
Əsər artıq uzunmüddətli saxlama üçün muzeyə təhvil verilib. Muzey direktoru Taco Dibbits izah edib ki, adının çəkilməsini istəməyən sahibi əvvəlcə sadəcə rəsminin holland olub-olmadığını bilmək istəyib.
...O, həqiqətən də əlində nə olduğunu bilmirdi. Bunun Rembrandt olduğunu öyrənmək inanılmaz bir kəşf idi, - deyə o qeyd edib.
Əsərdə baş mələk Cəbrayılın (Qavriil-A.B.) vəftizçi Yəhyanın doğum xəbəri ilə baş kahin Zəkəriyyəyə (Zaxarii-A.B.) göründüyü bir bibliya epizodunu təsvir edir.
Tədqiqatlar həmçinin rəsmin taxta çərçivəsinin 1633-cü ildən əvvəl kəsilmiş bir ağacdan gəldiyini təsdiqləyib.
Muzeyin kuratoru Conatan Bikker vurğuladı ki, bu kəşf ustadın digər naməlum əsərlərinin kəşfi üçün ümidlər yaradır.
Nazlı Almuradova
