İran tərəfi İslam İnqilabı Keşikçiləri Korpusunun (SEPAH) Hərbi Dəniz Qüvvələrinə məxsus pilotsuz uçuş aparatlarının ABŞ-ın “USS Abraham Lincoln” aviadaşıyıcısına hücum etdiyini iddia edib.
KONKRET.az xəbər verir ki, İran mənbələrinin yaydığı məlumata görə, hadisə aviadaşıyıcının Oman körfəzi yaxınlığında, Hörmüz boğazına doğru hərəkət etdiyi vaxt baş verib. Bildirilir ki, hücum nəticəsində ABŞ-ın aviadaşıyıcı zərbə qrupu bölgədən geri çəkilərək təxminən 1000 kilometrdən artıq məsafəyə yenidən yerləşdirilib.
Bununla belə, İran bu iddiaları təsdiqləyən hər hansı foto və ya video sübut təqdim etməyib. ABŞ və ya digər beynəlxalq mənbələr tərəfindən də hələlik bu məlumat rəsmi şəkildə təsdiqlənməyib.
Qeyd edək ki, ABŞ-ın “USS Abraham Lincoln” aviadaşıyıcısı bölgədə yerləşdirilən ən böyük hərbi dəniz qüvvələrindən biri hesab olunur.
Natiq Səlim,
KONKRET.az
