ain.az bildirir, Yeniazerbaycan saytına əsaslanaraq.
Elmin Məmmədov
YAP Ağdam rayon təşkilatının əməkdaşı
İlk öncə qeyd etmək lazımdır ki, Azərbaycan dövləti hər zaman regionda sabitliyin, qarşılıqlı hörmətin və mehriban qonşuluq münasibətlərinin tərəfdarı olub. Bu gündə dövlətimiz bu ənənələrə sadiqlik nümayiş etdirməkdədir.
5 mart 2026-cı il Azərbaycanın suveren ərazisinə, Naxçıvan Muxtar Respublikası İran ərazisindən həyata keçirilmiş pilotsuz uçuş aparatının hücumuna məruz qalmışdır. Bunun bir adı var- terror. İranın “molla rejimi”-nin illərdir sərgilədiyi riyakarlıq xisləti bu dəfə də özünü çox gözlətmədi.
Baş vermiş hadisəyə görə məsuliyyət tam şəkildə İran İslam Respublikasının üzərinə düşür. İran Silahlı Qüvvələrinin Naxçıvan ərazisini hədəfə alması molla rejiminin illərdir sərgilədiyi riyakarlığın və nankorluğun növbəti təzahürüdür. Azərbaycan hər zaman qonşuluq və mehriban münasibətlər prinsipinə sadiq qalıb. Ölkəmizin ərazisindən İran üçün, ümumiyyətlə heç bir dövlət üçün heç vaxt təhlükə olmayıb və yoxdur. Əksinə, Azərbaycan dar gündə qonşularına dayaq olub, humanitar jestlər göstərib, çətin anlarda dəstəyini əsirgəməyib.
Azərbaycan Prezidenti cənab İlham Əliyev İranın Ali Liderinin vəfatı ilə bağlı dərhal başsağlığı verərək diplomatik etikaya və qonşuluq münasibətlərinə sadiqliyini nümayiş etdirdi, səfirliyi ziyarət etdi. Hətta humanitar yardım məsələsi də gündəmdə idi. Belə bir şəraitdə İran tərəfinin mülki obyektə zərbə endirməsi hansı məntiqə, hansı əxlaqa, hansı qonşuluq prinsipinə sığır? Bu təcavüz beynəlxalq hüququn norma və prinsiplərinə, xüsusilə də dövlətlərin suverenliyi, ərazi bütövlüyü və sərhədlərin toxunulmazlığı kimi fundamental prinsiplərə ziddir.
Prezident cənab İlham Əliyevin Təhlükəsizlik Şurasının iclasında səsləndirdiyi kimi, bunu törədənlər dərhal məsuliyyətə cəlb edilməlidir. Azərbaycan tərəfinə İran rəsmiləri tərəfindən izahat verilməlidir, üzr istənilməlidir və bu terror aktını törədənlər cinayət məsuliyyətinə cəlb edilməlidir.
Regionda gərginliyin artmasına xidmət edən bu hücum qonşuluq prinsipləri ilə bir araya sığmayan acizlik və qorxaqlıq əlamətidir və İranın “molla rejimi” bu terrora görə cavab verməli olacaqdır.
Sonrakı hadisələr barədə daha çox məlumat almaq üçün ain.az saytını izləyin.
