Dubayın iki beynəlxalq hava limanının dövlət operatoru olan "Dubai Airports" şirkəti onların fəaliyyətinin qismən bərpa olunduğunu təsdiqləyib.
Far.Az report-a istinadən xəbər verir ki, bu barədə şirkətin bəyanatında bildirilib.
Məlumata görə, bir sıra reyslər Dubay Beynəlxalq Hava Limanından (DXB) və Əl-Maktum - "Dubai World Central" (DWC) hava limanından həyata keçiriləcək.
Bəyanatda bildirilib: "Səyahət edənlərə aviaşirkətləri tərəfindən uçuşun bron edilməsi təsdiqlənmədiyi təqdirdə DXB və ya DWC hava limanlarına getməkdən çəkinmələri şiddətlə tövsiyə olunur, çünki cədvəl daim dəyişir".
Həmçinin, vurğulanıb ki, "Dubai Airports" müvafiq qurumlarla koordinasiyalı şəkildə vəziyyəti diqqətlə izləməyə davam edir.
Qeyd edək ki, Dubayda iki beynəlxalq hava limanı - DXB və DWC fəaliyyət göstərir.
*** 12:09
Dubay Beynəlxalq Hava Limanı sərnişinlərin, işçilərin və aviaşirkət heyətinin təhlükəsizliyini təmin etmək üçün fəaliyyətini müvəqqəti olaraq dayandırıb.
Far.Az xarici KİV-ə istinadən xəbər verir ki, səlahiyyətlilər vəziyyəti təsdiq edilmiş təhlükəsizlik protokollarına uyğun olaraq idarə edir.
Qeyd olunub ki, "Emirates" şirkəti qısa fasilədən sonra fəaliyyətini bərpa edəcək. Bu günortadan sonra uçuşlar üçün təsdiqlənmiş rezervasiyaları olan sərnişinlər, o cümlədən Dubaydan tranzitlə gedənlər, tranzit uçuşları da həyata keçirildiyi təqdirdə hava limanına gedə bilərlər.
