Cari mövsümün sonunda "Borussiya Dortmund"dan ayrılacağı dəqiqləşən alman yarımmüdafiəçi Yulian Brandtın İtaliya A Seriyasında oynamaq variantı var.
Fanat.Az xəbər verir ki, məlumatı "Tribal Football" nəşri yayıb.
Mənbənin məlumatına görə, "İnter" 29 yaşlı yarımmüdafiəçini transfer etməkdə maraqlıdır. Brandt İtaliya nəhənginə azad agent kimi qoşula bilər.
Yulian bu mövsüm Almaniya Bundesliqasında 20 oyun keçirib, 6 qol vurub və 3 məhsuldar ötürmə edib.
Yarımmüdafiəçi 2019-cu ilin yayından bəri "arılar"da oynayır. Onun bazar dəyəri 20 milyon avrodur.
