Ali Məhkəmədə adam bıçaqlamaqda təqsirləndirilən Səlim Kərəmlinin (adı, soyadı şərtidir) barəsindəki qərardan verilən kassasiya şikayəti üzrə məhkəmə iclası başa çatıb.
Pravda.az-ın əldə etdiyi məlumata görə, hakim Teyyub Muxtarovun sədrliyi ilə keçirilən prosesdə qərar elan olunub.
Qərara əsasən, kassasiya şikayəti təmin edilməyib.
İttihama görə, Səlim Kərəmli 2024-cü il oktyabrın 1-də gecə saat 23 radələrində alkoqol sərxoşluğu vəziyyətində Balakən rayonunun Kortala kəndində yerləşən “Ruslan” şadlıq sarayının həyətində olub. Həmin vaxt onunla həmkəndlisi olan zərərçəkmiş Tahar Tahirov (adı, soyadı şərtidir) arasında şəxsi münasibətlər zəminində mübahisə yaranıb. Mübahisə zamanı Səlim Kərəmli zərərçəkmiş şəxsə fiziki zor tətbiq edib. Belə ki, o, Taharın baş nahiyəsinin sol tərəfinə yumruqla zərbə vurub. Hadisə nəticəsində zərərçəkmiş şəxsə sağ qulaq arxasında və sol almacıq nahiyəsində şişkinliklər, eləcə də sol gicgah payında əmələ gəlmiş və sonradan cərrahi əməliyyat yolu ilə boşaldılmış hematoma kimi xəsarətlər yetirilib. Məhkəmə-tibbi ekspertizasının rəyinə əsasən, bu xəsarətlər insan həyatı üçün təhlükəli olmaqla sağlamlığa qəsdən ağır zərər vurma kateqoriyasına aid edilib.
Şəki Ağır Cinayətlər Məhkəməsinin hökmü ilə Səlim Kərəmliyə 2 il 11 ay 29 gün müddətinə azadlıqdan məhrumetmə cəzası təyin edib. Hökmdən narazı qalan məhkum apellyasiya şikayəti verib. Şəki Apellyasiya Məhkəməsinin qərarı ilə apellyasiya şikayətini təmin edilməyib.
Kamal Məmmədov
