ABŞ və İsrailin İrana qarşı hərbi əməliyyatları nəticəsində neft qiymətlərinin kəskin artması ABŞ administrasiyasında ciddi narahatlıq yaradıb.
Xezerxeber.az xəbər verir ki, bu barədə CNN telekanalı mənbələrə istinadla məlumat yayıb.
Məlumata görə, ABŞ Prezidenti Donald Trampın müşavirləri hərbi əməliyyatların ilk günlərində neft qiymətlərinin yalnız qısamüddətli artacağını gözləyirdilər. Lakin bazarın reaksiyasının faktiki miqyası onları təəccübləndirib.
CNN qeyd edir ki, ABŞ administrasiyası əvvəlcə benzin qiymətlərinin aşağı düşməsini noyabr ayında keçiriləcək aralıq seçkilər ərəfəsində Respublikaçılar Partiyasının xeyrinə əsas arqument kimi istifadə etməyi planlaşdırırdı. Lakin neftin qiyməti bir barel üçün 100 dolları keçdikdə, ABŞ hakimiyyətinin atdığı addımların uzunmüddətli enerji böhranı ilə bağlı narahatlıqları aradan qaldıra bilmədiyi üzə çıxıb.
Qeyd olunur ki, ABŞ Prezidenti daha əvvəl neft qiymətlərinin gözləniləndən daha az artdığını bildirmişdi.
