ain.az bildirir, Ayna saytına əsaslanaraq.
"Hər kəsə bildirin ki, biz narkotik qaçaqmalçıları ölkəsi deyilik”
Venesuela ABŞ ilə diplomatik münasibətlər gündəliyinin bir hissəsi olaraq, enerji, mədənçilik və narkotik qaçaqmalçılığına qarşı mübarizə sahələrində əməkdaşlığa hazırdır. AYNA.AZ xəbər verir ki, bu barədə ölkənin Prezident səlahiyyətlərini icra edən Delsi Rodrigez “Venezolana de Televisión” televiziya kanalında bildirib.
"ABŞ hökuməti ilə diplomatik münasibətlərdə fikir ayrılıqlarını həll etmək və razılaşdığımız məsələlərdə irəliləmək üçün enerji, mədənçilik və narkotik qaçaqmalçılığına qarşı mübarizə sahələrində iş gündəliyi müəyyən edilib", - deyə Rodrigez bildirib.
“Venesuela qanunsuz narkotik ticarətində əhəmiyyətli rol oynamasa da, region və dünya ölkələri ilə narkotik qaçaqmalçılığına qarşı mübarizədə əməkdaşlıq edir", - deyə Rodrigez əlavə edib.
O Bolivar Respublikasının Venesuela haqqında həqiqətə əsaslanan uzunmüddətli münasibətlər qurmağa hazır olduğunu vurğulayıb: "Hər kəsə bildirin ki, biz narkotik qaçaqmalçıları ölkəsi deyilik. Venesuelanın Prezidenti Nikolas Maduro və birinci xanım Siliya Flores günahsızdırlar".
Vurğulayıb ki, ABŞ ilə münasibətlər qarşılıqlı hörmətə, qarşılıqlı faydaya və beynəlxalq hüquqa riayət olunmasına əsaslanmalıdır.
Rodriges deyib ki, Venesuela sülhün tərəfdarıdır və istənilən müharibəyə qəti şəkildə qarşıdır.
Sonrakı hadisələr barədə daha çox məlumat almaq üçün ain.az saytını izləyin.
