Kriştiano Ronaldo bu dəfə futbol meydançasından kənardakı performansı ilə yenidən diqqət çəkib.
Hafta.az yazır ki, pPortuqaliyalı superulduz 7,5 milyon dollara 10 faiz pay əldə edərək Pro2col Software şirkətinin ortağı olub. Şirkətin Herbalife Korporasiyasının törəmə şirkəti olduğu bildirilir. Bu, Ronaldonun investisiya portfelini daha da genişləndirir və onun texnologiya və səhiyyə layihələrinə ciddi sadiqliyini nümayiş etdirir.
Futbolçunun sözlərinə görə, bu layihə insanların sağlamlığa münasibətini dəyişdirməyə kömək edə bilər. O bildirib ki, platforma insanları sağlamlığa fərqli bir perspektivdən baxmağa təşviq edir. Beləliklə, Kriştiano Ronaldo təkcə idman nailiyyətləri ilə deyil, həm də biznes və investisiya qərarları ilə aktiv qalır. Bu yeni investisiya idman ulduzunun sahibkarlıq sahəsində böyük ambisiyaları olduğunu göstərir.
