Xəbər verdiyimiz kimi, müğənni Kəmalə Günəşli Xalq artisti Cavan Zeynallının verilişə dəvət oluması barədə “Gənc nəsil məcburdur Cavan Zeynallıya baxmağa? Cavanlar tanımır onu. 90 yaşında Cavan Zeynallını oturtmusuz əli əsə-əsə orda, 20 ilin lentini gəlib efirdə oxuyur" deyərək sərt tənqid etmişdi.
Səsləndirilən fikirlərlə bağlı Pravda.az-a açıqlama verən Xalq artisti Cavan Zeynallının sözlərinə görə, bəzi müğənnilərin efirə qadağa qoyulması ilə bağlı bütün qəzetlər, jurnallar, saytlar yazırlar, ancaq Cavanı isə efirlərə dəvət edirlər.
O, etirazlara belə cavab verib: “Onlar gərək həbsxanada otursunlar. Adam deyillər, Cavan adamdır, çalıram, oxuyuram, yaxşı söhbətlərim var, adamları güldürürəm. Onlar kimdirlər? Xəstələrə niyə fikir verirsiniz? Onlar gic-gic danışırlar. Mənim o qədər mahnılarım var ki...İki ay öncə yeni mahnı yazdırmışam, çox paxıllıq edirlər. Çünki məni kim görür danışmaq istəyir, mən də güldürürəm onları. Cavan kimi adam... Keçən dəfə bir qadın demişdi ki, “qoca kaftar, 90 yaşında nə oxuyur?” Nə 90? 70 yaşım var. Nə üçün deməliyəm ki, mənim necə yaşım var? Kim soruşur, demirəm. Neynirsiniz mənim yaşımı? Necə görünürəm, elə də varam. 35-40 il bundan qabaq da elə belə idim. Bütün dünyada Cavandan bir dənədir. “Qaya” ilə 20 il çalışdım, Amerikada bir il oldum, səfərlərim olub. Bəzən çaşıram ki, nə qədər ölkələrdə olmuşam? Bunlar düşük, səviyyəsizdirlər. Cavan hara onlar hara... Mənə gözəl Prezidentimiz İlham Əliyev ev bağışlayıb. Xalq artistiyəm, bunlar kimdirlər?! Bu, xəstəlikdir. Nə oxuyurlar? Onlar nə mahnılardır? Bilmirlər, rus dilində oxusunlar, ya azərbaycanca... Onlar kimə lazımdırlar? Siz kimsiniz ki? Ədəbsizlər...Belə reytinq olmaz. İnsanlar məni sevirlər...İndi çox adam paxıllıq edir”.
Xatırlatma: Bir sıra verilişlərin bağlanması və bəzi müğənnilərə qadağa qoyulmasından sonra Azərbaycanda efir məkanında ciddi dəyişikliklər baş verib. Qadağa qoyulan müğənnilər sırasında Kəmalə Günəşlinin də adı var idi.
Şəhanə Quliyeva
