RİA Novosti agentliyinin İran Xarici İşlər Nazirliyinin açıqlamasına istinadən verdiyi məlumata görə, Tehran İranın Türkiyəyə qarşı raket atışları ilə bağlı iddiaları araşdırmaq üçün ekspert qrupu yaratmağa hazır olduğunu bildirib. Nazirlik bildirib ki, İran və Türkiyə xarici işlər nazirləri Abbas Araqçı və Hakan Fidan bu məsələ ilə bağlı telefon danışığı aparıblar. Bu, iki ölkə prezidentləri Məsud Pezeşkyan və Rəcəb Tayyib Ərdoğan arasında telefon danışığından sonra baş tutub.
İran Xarici İşlər Nazirliyinin açıqlamasında deyilir: "Söhbət zamanı tərəflər, iki ölkə prezidentləri arasındakı razılaşmanı nəzərə alaraq, son iddiaları hərtərəfli araşdırmaq üçün mümkün qədər tez bir zamanda ekspert qrupu yaratmaq barədə razılığa gəliblər".
Daha əvvəl Türkiyə prezident administrasiyası 9 martda İrandan atılan ballistik raketin Qaziantepin Şahinbey rayonu üzərində NATO hava və raketdən müdafiə qüvvələri tərəfindən tutularaq zərərsizləşdirildiyini bildirmişdi. Vaxtında zərərsizləşdirmə sayəsində heç kim xəsarət almayıb. Bu, 28 fevralda İrana qarşı ABŞ və İsrail hərbi əməliyyatları və sonrakı İranın cavab zərbələri zamanı Türkiyə hava məkanında baş verən ikinci belə hadisədir. İran Türkiyəyə doğru raket buraxılışlarında hər hansı bir iştirakını inkar edir.
İradə SARIYEVA
